النسيان بعد المذاكره وأهم النصائح

١-ذاكر الصبح بدري عشان ده توقيت إفراز هورمون الكورتيزون بالجسم و اللي بيساعد علي التركيز (المذاكره ليلا و اليوم المقلوب نتيجتها أقل).

٢- أثناء المذاكره ابعد عن المشتتات زي الموبايل و اللاب و التاب و غدر الصحاب😂

٣-التنويع في طريقه المذاكره مره بالورقه و القلم ..مره بالشرح بصوت عالي .. و هكذا

٤- لابد من التكرار و المراجعه .. الدرس اللي هيتذاكر مره هتفتكر ربعه.. مرتين هتفتكر نصه .. تلاته هتفتكر معظمه .. اربعه هتفتكره كله ان شاء اللة .. بس لازم المراجعه تبقي علي فترات .. يعني كل كام يوم تراجعه.

٥- النوم الكافي من ٦ الي ٨ ساعات يوميا بيحسن المذاكره و الذاكره و التركيز .. النوم القليل بيقلل التركيز حتي و ان أعطاك ساعات مذاكره اضافيه

٦- في هرم التعلم.. اكتر حاجه بنفتكرها اللي طبقناها في حياتنا ..زي مثلا التجارب العمليه في المعمل .. و الحاجه اللي شرحناها لحد .. عشان كده ممكن بعد ما تهضم موضوع كويس .. اشرحه لزمايلك.. هتفيد و تستفيد 🤗

٧- استخدم مشهيات المذاكره.. الحاجات اللي تفتح النفس للمذاكره... انا مثلا الكتب الملونه و الاقلام الالوان و الورق الأبيض و الأجندات الجديده و sticky notes كانت بتفتح نفسي للمذاكره و بالتالي بتحسن التحصيل.

٨- لازم تتأكد من انك فهمت أولا ثم حفظت ثانيا ثم راجعت و كررت ثالثا ثم طبقت و حليت اسئله و امتحانات رابعا.. قبل ما تقول بذاكر و بأنسي😎

٩- اختار أوقات مثاليه للمواد الصعبة..يعني يوم نايم كويس و فايق و مركز خليه للفيزيا أو البيوكمستري مثلا 😂 .. يوم مقريف و ملكش مزاج خليه للحاجات الخفيفه (بالنسبه لي كان نحو و جبر🤔)

١٠- آخر نقطه و اهم نقطهلازم تتعلم تعمل علامات تفكرك بالحاجات الصعبة زي لسته طويله أو نقط كتير صعبه أو أرقام صعبه العلامات دي بنسميها mnemonicsو المقصود بيها ربط معلومه جديده صعبه بأخري قديمه سهله فده يسهم في حفظ الصعبة و دي ليها أنواع كتير أشهرها :A. Acronymو تعني عمل كلمه واحده فيها الحروف الأولي من لسته طويله زي مثلا لطلبه الطبVITAMINاختصار ل (Vascular, Inflammatory,Traumatic,Autoimmunemetabolic ,Inherited, neoplastic)B- Acrostic : جمله كامله أول حرف من كل كلمه منها تشير للحرف الاول من قائمه حاجات زي مثلا جمله عملتها زمان و انا بذاكر ادويه الصداع النصفي(ظلمي المستمر ل سومه أدخلني ال نار الم ت زايده )(Zolmitriptan, Frovatriptan , Sumatriptan, Ele triptan, Nara triptan, Almo triptan, Rizatriptan)و كأن frova تعني forever فرمزت لها مستمرو كأن riza تعني زائد فرمزت لها زايدهC- Image :ارسم صوره ملونه فيها كل تفاصيل المعلومه .. و كل ما كانت الصوره كوميديه اكتر و مجنونه اكتر .. كل ما افتكرتها أحسن.D- Chunkingو المقصود بيها التقسيم لمقاطعو دي تناسب حفظ الأرقام و دي مفيده في الحياه عموما .. زي حفظ أرقام التليفون مثلازي مثلا٦١٠٢٠١٨ممكن نخليه (٦١٠- ٢٠١٨) يبقي اسهلاو نحفظه ٦ أكتوبر السنه اللي فاتتسامعك برضه يا نفس الطالب الاولاني ياللي بتقول " ايه كل ده! ده انا احفظها زي ماهي اسهل "😏صدقني لا .. ابذل مجهود في تخزين المعلومه .. هتفتكرها .. 🙋‍♂️هتستسهل ..المعلومه هتضيع و مجهودك هيضيع 😭